張名雅獲老公錫肚仔 挑戰十級痛
張名雅婚後不久便懷孕，更一索得男，之前她影大肚寫真留念，與老公及「囝囝」三位一體感受溫馨、甜蜜。名雅表示已決定自然分娩產子，執定「走佬袋」的她表示想挑戰女人最痛。
港姐張名雅上年與律師老公（Joe）結婚不久即宣布懷孕，更一索得男，預產期將至，她已準備好「走佬袋」，隨時迎接小王子的誕生。為紀念懷孕的日子，名雅日前與老公齊齊到影樓拍攝一輯大肚寫真，除影結婚相外，Joe今次是第二次到正式影樓影相，當然不乏Joe親吻名雅肚「仔」的鏡頭，名雅指老公很自然，而BB亦不時踢她，三位一體感受這份溫馨感覺。
密謀追多個女
之前名雅已為自然分娩還是開刀生B而掙扎多時，昨日她接受訪問時稱決定自然分娩，希望挑戰十級痛：「其實之前經歷過一段掙扎，自己都幾恐懼，成日同老公講，開刀我又驚，自己生我又驚好痛，老公叫我驚痛不如開刀，但我自己都想試吓自然分娩，挑戰吓究竟有幾痛，而且自己生可以快啲復原。」問到名雅會否趁後生再追多個女？她說：「都想嘅！有個仔當然想追多個女！不過又唔會畀太大壓力自己。」
增磅少唔似有咗
名雅不諱言由懷孕初期至今只重了十多磅，家人都叮囑她出外時要小心：「其實好耐之前已經想影呢輯相，不過當時攝影師話個肚唔大，出嚟效果未必好，不過今個星期個肚突然大得好快，出嚟效果好好，依家後面睇，我都唔似懷孕，屋企人都叫我出街時小心啲。」
相片：Keith C.Baby Gallery
文：影視組