阿澤拒為薛凱琪做媒 怕打鑊甘

藝人杜汶澤為奇妙電視主持飲食節目《杜汶澤食住上》，邀得薛凱琪（Fiona）擔任嘉賓。兩人昨午於銅鑼灣進行錄影，但阿澤未有安排號稱「地獄廚神」的Fiona「揸鑊剷」，只以清談形式交流。問到可有食過「薛凱琪出品」，阿澤抵死地說：「咁我條命又未衰到咁，反而飲過佢阿媽煲嘅雜菜湯，當時我大病緊，佢阿媽細心到將啲菜切到好細粒。」
薛凱琪被爆煩友一名，杜汶澤仲話惡頂過老婆。
薛凱琪被爆煩友一名，杜汶澤仲話惡頂過老婆。

踢爆好鬼煩

講到咁恐怖，會否擔心Fiona的廚藝差嫁唔出？阿澤笑說：「咁仲可以鍾意佢嘅美貌同智慧嘅。（介紹男仔佢識？）我啲朋友比較暴躁，驚拍拖後會忍唔住打佢，其實忍佢幾辛苦，辛苦過忍我老婆。（咁忍佢啲乜？）煩囉！同佢拍戲成日要話自己好笑過我！（教佢煮嘢？）真係驚小李飛刀佢喎！」身邊的Fiona即為自己平反：「諗住第時結婚會話畀老公聽唔識煮嘢，然後偷偷去學送驚喜畀佢。」阿澤即回應：「咁怕且要等到你老公退休攞長者卡，先有熟嘢食喇！」

文：影視組

咩叫背住人講壞話？杜汶澤完美示範！
  • 咩叫背住人講壞話？杜汶澤完美示範！
薛凱琪曾晒「地獄廚藝」，歷歷在目。
  • 薛凱琪曾晒「地獄廚藝」，歷歷在目。