黃心穎 馬國明「扯大纜」感情冇進展

黃心穎與黃智雯等前晚出席無綫新劇《雜警奇兵》煞科宴，心穎被問到拍畢該劇後有何大計？她笑稱要拍好《深宮計》，問到是否因為心急見同劇的緋聞男友馬國明？她即自認怕醜：「你講邊個呀？我今日係見心悠呀！（同馬國明咩進度？）冇進度呀！（佢唔進取？）大家都唔進取！（怕醜？）係啩！順其自然啦！」問到何時有對手戲？她說：「寫咗㗎啦，不過未拍，有單戀、相戀呀、尷尬咁囉！（咀戲？）未寫，不過條線幾得意嘅，幾期待，暫時未知結局。」記者笑指想知道兩人現實中的結局，她即尷尬地說：「我都唔知呀！」同場的黃智雯則希望拍畢劇集後，趁休息期間飛往紐約進修戲劇及跳舞課程。