唐紫睿大蝦細笑聲震球場

唐紫睿去年參加格鬥比賽狂操體能，最終贏得冠軍建立打女形象，在新一集《區區有女神》重遊讀書及長大的葵涌區。除了變身學生妹在商場狂掃小食買平貨外，她又走入運動場挑戰街坊，玩勻跳繩、打羽毛球、踢波與體能測試，堪稱「四項鐵人賽」！Hazel全程「大蝦細」，專揀年紀小的街坊做挑戰者，以為一定贏開巷？錯了，原來小朋友亦非等閒之輩！

挑機者讚好嘢

Hazel起初走入田徑場特意挑選一名比她高大的「青年軍」Mark鬥做平板支撐，她保持姿勢近兩分鐘，成績不俗，但眼見Mark「長做長有」，她最終決定認輸，Mark大讚Hazel：「佢體能都好好呀！女仔嚟講算好嘢！」Hazel之後再與16歲「李仔」鬥做Sit Up，身為田徑好手的「李仔」以次數取勝，贏得與女神自拍的機會。

唐紫睿成副戰鬥格落場，點知原來只係初哥學踢波！	踢波	跳繩 唐紫睿同小妹妹跳繩及打羽毛球，全程笑不停。

初哥踢波入兩球

連敗兩回合的Hazel轉而變陣與兩名女童打羽毛球及跳繩，最終贏番！雖然她們年紀較小，Hazel擺明「蝦細路」，但全程搞笑度十足，氹得小妹妹非常開心，未有介意輸贏，最緊要玩得Happy！

打羽毛球	Sit Up Hazel同田徑好手鬥做Sit Up，最後都係乖乖認輸。	Hazel變身學生妹掃街。

在最終回，Hazel決定挽回一點面子，向一班足球小將下戰書，以5球定點射門決勝負，幾位少年起初被她的戰鬥格嚇親，落場後才得知她原來是首次踢波，竟然連射門都唔識，成班波友仔笑爆肚皮，結果5球只入1球，反觀「耍盲拳」的Hazel就入了兩球，姑勿論賽果，眾人的笑聲傳遍球場，認真友誼第一，比賽第二！

Hazel完成Mission，總算保住「運動女星」招牌，但已玩到氣喘，她說：「原本以為時下年輕人都係低頭族唔多郁動，估唔到大家體能都好好！要操番先！」今集《區區有女神》充滿正能量，大家快啲Click入東網巨星欣賞啦！

葵涌最易搵食

葵涌區是新舊交融的社區，有舊式住宅、工廠區、運動場，亦有新式大型商場，想睇戲有戲院，想文藝有葵青劇院提供各式演出，肚餓更有大量食肆選擇。葵涌廣場內有多間價廉物美的小食店，木瓜汁8蚊杯，砵仔糕5蚊個！該區更是年輕男女購物熱點，商場售賣的服飾跟足韓風，男仔想買小禮物氹女友？易如反掌啦！

女神的秘密 暗戀同性隊長

Hazel性格剛烈，向來想做就做，求學時期讀女校的她原來曾暗戀同性籃球隊隊長：「嗰位隊長係TB，好有型，當時好多人暗戀佢，我可能被羊群心理影響，鍾意咗佢1年，一度懷疑自己性取向，到大啲認識到男士，先知自己係『直』嘅，呢個秘密冇人知o架！」

Profile

身高：1米76

三圍：33C、25、35

Instagram追隨人數：2.9萬

電影作品：《賭城風雲》系列、《鴨王》系列

攝：吳文聰

文：陳偉立　

https://goo.gl/DVITm4