菊梓喬眼紅紅自責養唔起妹妹

菊梓喬（Hana）、組合Super Girls（SG）、Robynn & Kendy（R&K）及陳柏宇等歌手前晚出席音樂會，剛簽約星夢的Hana早前受訪時自爆小時候父母離異，一度要停學及要社工幫助維持生活，之後出外打工搵錢養自己。前晚自爆賀爾蒙失調至滿面暗瘡的Hana，驚爆妹妹近日患怪病：「妹妹健康出現問題，唔好講，一講就喊。」記者再三追問，眼濕濕的她只說：「未肯定咩事。（患癌？）唔知，佢話抖唔到氣，心口成日有嘢壓住。」

睇緊政府醫生

收入微薄的Hana被問到是否要撲錢救妹？她說：「暫時睇住政府醫生先。」隨即自責說：「好希望有養佢嘅能力，呢幾日好嬲自己冇能力照顧佢，自己好任性要做歌手，如果唔係就有一定嘅收入，依家係冇收入，不過會堅持到最後，因為開咗頭。」記者昨日跟進Hana妹妹病況，Hana表示妹妹沒大礙，估計是體力透支才不適。

Hana自爆雖然依家冇收入，但會堅持做歌手。	Super Girls四位成員現身音樂會，又跳又唱。	Robynn & Kendy大談鄧紫棋日前現身Black Eyed Peas演出時的情況。

同場的R&K透露日前有欣賞國際人氣組合Black Eyed Peas在中環舉行的演出，對於鄧紫棋（G.E.M.）未有通知主辦單位就衝上台與對方合唱《Where Is The Love》，問到有否聽到G.E.M.上台時有噓聲？Kendy直認：「少少啦！」Robynn說：「我哋有翻唱呢首歌。（好想做嘉賓？）恨o架！」

SG唔驚Heidi起飛腳

另外，SG五缺一示人，四女透露成員Heidi身在外地參加時裝周，由於對方日前生日，問到知否同行有其男友？Jessica說：「佢同我哋形象指導團隊去，當中有男有女，唔知有冇收埋。」Cheronna封Heidi為Fashion Queen，四女戥Heidi衝出國際感開心，問到怕不怕遭對方起飛腳離隊？Yanny及Jessica笑說：「佢夠膽？佢試吓！」四女強調SG不會拆夥：「音樂係缺一不可。」Aka透露將向影壇發展，Cheronna就笑言會衝出香港：「嚟緊套舞台劇會去深圳同新加坡公演。」

文：音樂組

攝：劉斌