羅啟聰闖鬧鬼小學助手疑撞邪
星娛樂歌手羅啟聰（Kris）日前以喪屍造型到曾有鬧鬼傳聞的荒廢小學拍攝新歌《衰仔大學》兼微電影，該作品將參加比賽，請得好友鍾舒褀做女主角。Kris自爆拍攝到日落後，其助手更疑撞邪：「助手好似變咗另一個人，佢原本性格溫馴，但唔知點解佢全晚用好兇狠嘅眼神望住我，叫極佢又唔睬，事後問番助手做乜，佢反話我全晚冇同佢講嘢，個心立即震一震。」
提起遇怪事，Kris坦言最恐怖一次經歷是住土瓜灣舊居時，有晚發燒見頭暈：「我一睜開眼，就發覺自己成個頭浸咗落洗面盆，好在醒得快，否則可能窒息。（你係咪病到懵咗咋？）唔會，我冇印象落過床。」其後他聞居住的單位曾發生命案，他怕再生意外而搬走。