何廣沛撐「雪藏女友」江嘉敏：快啲解凍
無綫熱播劇《親親我好媽》叫好叫座，何廣沛和江嘉敏更獲封為新一代螢幕情侶！何廣沛昨日出席活動時坦言起初未想過與對方有此化學作用，坦言Surprise！有傳江嘉敏被公司雪藏，他指私下有慰問對方，並謂：「如果真係雪，希望佢快啲解凍。」
藝人黃智賢（Ben）、何廣沛和江美儀昨日出席無綫熱播劇《親親我好媽》之「氹氹好媽媽」活動，期間大家宣布收視報捷，周一（27日）平均收視28點、最高更達31點。
受訪時，提到劇中何廣沛與江嘉敏的感情線大受歡迎，更獲捧為新一代「螢幕情侶」，何廣沛坦言意想不到：「之前拍劇時都係專注角色，冇諗呢啲，所以有啲Surprise。」問最近有否見過疑被公司雪藏的拍檔江嘉敏時，他自言最近忙於拍劇未有見面，但私下有短訊聯絡：「有問過佢，佢話OK，我都見到佢有劇拍，如果真係雪，希望佢快啲解凍。」
江美儀擺麥包上枱
講到收視報捷，收看觀眾逼近200萬人，江美儀直言高興。問如何答謝觀眾？她笑說：「Ben話送泳衣畀我，但我仲未收到！」Ben即笑謂：「都唔知Size，好難買！」問會否因成績理想而添食，Ben指會交由公司決定，江美儀則說：「我就襟撈爛做冇投訴嘅！」Ben指即使不拍續集，二人合作都是美事，豈料江美儀笑謂：「拍吓屋邨、街市都好，但係之前都係麥包（麥長青）做喎，你唔驚？」令「執二攤」演《親》劇的Ben哭笑不得。
文：影視組