張舒雅瞞住父母開酒吧
前港姐冠軍張舒雅退居幕後專心幫手打理家族珠寶生意，近日她瞞住家人與友人合資開設嘉年華式的酒吧Carnival，前晚舉行開幕酒會，獲好友郭思琳、組合Mr.成員Ronny等撐場。
有節制唔會成日醉
身穿綠色tube dress的張舒雅，受訪時透露酒吧有賭場式的小玩意如輪盤等，但勝負都是飲酒，不是賭錢。問到何以有興趣開設酒吧？張舒雅笑說：「因為我哋成班朋友都好鍾意玩，想有自己嘅地方，其實呢間係第一間，嚟緊會開多幾間，不過未必喺香港。（父母支持？）佢哋唔知，不過應該OK。（佢哋擔心你成日飲酒？）唔會嘅，我自己有節制，唔會成日爛醉。」問到感情生活，她指仍是單身，未遇到合適的對象。
郭思琳「格」走男友
郭思琳的酒量不錯，但亦試過「斷片」及醉酒失儀，她說：「之前有試過飲醉酒鬧人，可能平時壓抑得太勁，朋友會控制我，同我講有記者喺度，咁我就算幾醉都會醒一醒。」單身的她又謂打G-1格鬥時曾經戒酒、戒煙及戒食安眠藥，亦因當時忙於操練忽略了男友，最終分手收場。目前，郭思琳正接洽三部電影，並笑言：「G-1格鬥之後，由模特兒轉型做藝人。」
文：名人組