張智霖我唔幫佢邊個幫佢？
藝人張智霖（Chilam）、陳瀅、鄭融、雨僑等昨日出席電影公司老闆蕭定一旗下的hmvOD開台活動，Chilam被問到冇時間造人一事，他表示睇天意，又笑言為決定養貓先定造人先而煩惱：「咁我唔幫佢（袁詠儀）邊個幫佢吖，我係呢個世界唯一幫到佢嘅人！」
「男神」張智霖（Chilam）、陳瀅、鄭融、雨僑、莊思敏、鄧月平等昨日出席電影公司老闆蕭定一旗下的hmvOD開台活動。特地撐場的Chilam被問到太太袁詠儀（靚靚）日前公然大呻夫妻冇時間造人，Chilam聞言說生B睇天意，又搞笑自認是世上唯一幫到太太的人：「努力緊啦！要睇機會嘅。（你保守唔試人工受孕？）我就覺得睇天意，佢就話有方法嘅。咁我唔幫佢邊個幫佢吖？我係呢個世界唯一幫到佢嘅人！」因堪輿學家李居明指養貓有助提高他們生女的機會，而3月他較空閒，現時為決定養貓先還是造人先而煩惱！
養貓養魚全部否決
靚靚前日出席活動時靚咗又瘦咗，Chilam指她是處心積慮減肥，至於靚靚爆料指他想養貓？Chilam說：「係呀。（有鼻敏感？）有咩問題吖，食敏感藥囉！之前我想養熱帶魚，統統畀人否決話驚魚缸漏電！（靚靚話囝囝喜歡狗，所以養狗並由她照顧？）講笑講第二樣啦！」強調狗狗由他打理。
陳瀅放聲氣願全裸
陳瀅透露早前拍的無綫劇集《全職沒女》將於4月播出，是她首套有感情線的劇集，預告與張振朗有錫錫。被問是否想進軍電影圈？陳瀅說公司正安排中，希望有機會拍戲。可有底線？她表示可以全裸演出：「睇需要啦，我本寫真都全裸，但出嚟效果有美感！」而雨僑最近忙於請助手，她開出請人條件，對方要手瓜起(月展)、心細如塵，而且一定要女仔，因為到外地工作時可以與她同房。鄭融則透露稍後將拍攝有線奇妙台開台劇，笑言「履歷」上加上拍劇才稱得上圓滿。
文：影視組