李漫芬晒金豬志偉唔敢(目及)

無綫娛樂主播李漫芬（Fanny）與圈外男友談成坤拉埋天窗，前晚筵開23圍宴請賓客。新娘子人緣不俗，連曾志偉亦畀面到賀兼送禮。晚宴上，Fanny換上紅色低胸晚裝宴客，胸前「事業線」在一排足金豬頸鏈的襯托下一覽無遺，搞到志偉上台為一對新人送祝福時不敢亂望，他說：「今晚好開心見到Fanny搵到一個對佢咁好嘅老公，我諗大家都知，作為藝人尤其是女藝人，最大成就係搵到一個好歸宿，呢個都係我最想見到嘅。」最後，志偉拍一拍新郎哥讚好仔，祝兩人永遠快樂！