梁烈唯騰雞推車怕整親囡囡
榮升人父的梁烈唯為愛女Karina（梁亦彤）舉行滿月宴，先與家人吃飯慶祝，昨日正日更親自下廚。這位貼心爸爸照顧「前世情人」時明顯緊張，推着BB車的唯唯小心翼翼，行行吓更大叫：「嘩！乜個地咁『戥』嘅！」相當搞笑。
無綫藝人梁烈唯（唯唯）之前榮升爸爸，前兩日被拍得推着BB車與母親在銅鑼灣出現，推着愛女的他似乎相當熟手，雖然母親陪伴在側，但唯唯仍親力親為，有了這位「前世情人」後，即變成緊張大師，見地面有點凹凸他即說：「嘩！乜個地咁『戥』嘅！」惟恐B女受驚。之後，他禮貌地請記者幫手開門，唯唯表示每晚都照顧囡囡，疲倦之餘都「心廣體胖」，故要為工作努力Keep fit。
自認緊張大師
而昨日原來是唯唯囡囡滿月，唯唯接受訪問時說：「係呀！嗰日同家人喺酒樓食飯，今日係阿女正日滿月，我親自下廚煮飯畀屋企人食，阿女梗係食奶啦！」談到湊女，唯唯自認緊張大師，指平時囡囡晚上「吱」一聲都會令他彈起身：「老婆都話我過分緊張，有時抱B嗰陣有啲聲都怕整親佢啲關節。」
為劇「紋身」六粒鐘
戲外是「騰雞」父親的他，於現時播放中的劇集《迷》中就飾演型爆的「大興哥」，此角色贏得不少網民歡心，更有人將唯唯之前於《使徒行者》中的「木蝨哥」與「大興哥」比較，引起不少話題，唯唯對此坦言：「自己好鍾意大興哥個角色，拍出嚟監製同珍姐（曾勵珍）都好鍾意。演大興哥時，知太太有咗，可能咁樣增添成熟味道、Man啲。拍嗰陣自己專登操大隻，而角色需要紋身，又唔想用印水紙，所以專登搵人體彩繪，每次拍前都要畫六個鐘。」
文：影視組