諗頭多博上位林作做補習天王
前大律師林作殺入影圈同時，原來他與著名補習學校簽約十年做「補習天王」，既做演員又做教師，林作昨晚回應時表示要上位就要跳出框框：「呢個世代要上位，必須搵多條出路，唔係困喺死局，我唔止咁少橋，我仲有好多橋。（兩者形象有矛盾？）阿諾舒華辛力加點做加州州長？列根又點做美國總統？你哋諗啦！（十年約有自由度嗎？）合約內容唔透露啦！但簽就應該簽十年，要有野心同信心。」至於林母於春節時已知兒子要做補習天王，大表支持：「試做補習老師啫，一個月幾堂。（唔做律師做教師？）唔關事，只係想多條出路。（十年長約？）其實彈性好大，教學期間如覺唔適合可隨時走人！」
靚女多嘆蝕底
另外，林作昨日出席處男作開鏡禮，他曾揚言拍戲可以露股，直言要睇機會，若然對手是麥明詩呢？他即說：「唔好再講佢，講親佢都有餘波。（佢話抽水唔係抽肉體就冇所謂？）我見到，但我冇其他評論。」又說之前寫的文章被人誤解，麥明詩亦明白，故不想多說。因新戲中不乏性感o靚模，他卻與靚女擦身而過，大嘆蝕底，笑言會爭取加戲與靚女合作。