有女陪又點！小方冇啖好「食」

剛度過37歲生日的方力申昨日以「無煙大使」身份出席活動，直言不吸煙連皮膚都靚過人：「皮膚靚，望落都後生啲！有Fans攞咗張十幾年前我嘅一張相，同依家相比，我嘅笑容都係咁陽光，而且食煙一啲好處都冇，最唔鍾意成身煙味。（唔食煙係其中一個擇偶條件？）梗係！身上有煙味都唔鍾意，何況喺個口度。」問到正日生日可有慶祝？小方坦言有女相伴：「同成班朋友囉！（全男班？）大部分啦！其他都係人哋女友或者老婆。（你咪好孤獨？）係o架！（舊愛鄧麗欣有冇傳短訊祝賀？）呢啲唔講啦！」講到鄧麗欣離開太陽娛樂而徹底劃清界線？小方說：「佢都係同我一樣約滿啫！」