魯芬化輕煙 斑斑悲痛哭別

魯芬昨日出殯，由姪兒捧着其遺照。

斑斑昨晨約10時到場，步入靈堂鞠躬後即慰問魯芬的家屬，期間見她抹淚。逗留1小時多後，她離開時表示彼此識於微時，問到魯芬的為人，她說：「正直，有義氣，邊個叫佢都會幫，係佢嘅美德，所以有咁多朋友愛戴。佢個人都爽直，有咩都寫晒喺塊面度。」又傷感地表示去年開始已經歷不少朋友離世，沒料到過年後首個送別的就是魯芬。至於曾守明離開時戴上墨鏡，心情沉重，他說：「識佢冇10年都8年啦，為人冇得頂。（知道佢病？）真係唔知，嗰時我病，佢都有關心我。」談起往事，他即不禁落淚，談及在靈堂播放的片段，他再度落淚哽咽：「聽到條片佢話『我走啦，你嗌聲我啦！』」

大殮儀式於昨晨11時許舉行，魯芬的靈柩約12時離開殯儀館，其姪仔捧着遺照，姪女則跟上靈車，魯芬的靈柩其後移送至鑽石山火葬場火化。

斑斑在靈堂傷感落淚。

曾守明受訪時泣不成聲。