麥明詩唔嬲林作抽水：肉體冇咪得

麥明詩唔介意被林作抽水，仲話冇咁易畀人激嬲。

麥明詩、翁嘉穗及楊張新悅等昨日出席保育基金慈善跑步活動，提到前男友林作在專欄談及她近日評論「七警」時引申到「教學品牌」的文章，被網民批評借此「抽水」，她表示有留意，但沒有嬲對方：「相信言論自由。（被抽水？）肉體上冇咪得。（精神上抽水？）冇咁講，相輔相成，互惠互利，唔介意。觀眾睇得開心，有人提起我都係一種關心。（你嘅底線係點？）人哋講乜我控制唔到，冇底線，唔係咁易被激嬲，有時直接講係好事，好似阿媽講嘢唔好聽，但係為你好。」並表示有留意網上留言：「好多人寫嘢比較冇咁負責任，成個趨勢都係咁，但有啲留言都好有Point。」

她表示身邊不少人都提醒她小心身邊人及注意言行：「公眾人物講嘢要小心，一句無心之失都軒然大波。（帶眼識人？）嘗試，有人提我娛樂圈小心提防身邊人，想Keep住童真，唔想咁快被現實磨去棱角，會選擇先信人，直至佢傷害我先。」她指間中亦有為節目效果而互寸，故認為不用放在心中，免得自己辛苦。

林作	麥明詩參與慈善跑步活動。	楊張新悅（左）及翁嘉穗亦有落場跑。

翁嘉穗突襲Gym房（目及）仔

此外，有份參與慈善跑的翁嘉穗表示因經常感冒而做運動，更會突襲健身房看16歲大仔：「佢鍾意健身舉啞鈴，我試過去做運動扮撞到，突擊睇佢同咩人玩，見到都係男仔。（佢有咩反應？）佢笑吓打招呼，有啲尷尬。（做怪獸家長？）冇辦法。」

文：名人組