皺紋出晒嚟！森美減肥收唔切皮
藝人森美與小儀昨日到電視城錄影無綫節目《千奇百趣特工隊》，邀請了蘇麗珊及林德信等做嘉賓，而今輯助手朱智賢及馮盈盈就以魚網絲襪示人。無綫預備了蛋糕慶祝節目拍到第10輯，朱智賢用手指揩蛋糕想畫森美塊面時，露出心口事業線搶鏡。
小儀：快啲收啦！
森美回應有指他在宣傳片中勁多皺紋：「係呀，近排拍劇減肥，塊面啲皮收唔切，皺紋出晒嚟！我以前係肥仔，肥仔一瘦就係咁，我啲皮直頭鬆到可以掹出嚟！」說畢即示範拉皮奇技，小儀睇到哈哈大笑說：「佢啲皮都唔收嘅！快啲收啦！佢『皮收』真係有問題，哈哈哈！」
林德信質疑松岡
同場的林德信對於前緋聞女友松岡李那指肖像被灣仔一間酒吧盜用，他說：「唔清楚。（冇聯絡？）我知佢喺日本發展緊，希望佢喺嗰邊做得好好。（佢話佢未試過有來自亞洲地區嘅男朋友？）係咪真㗎？咁日本人呢？佢細個唔係同日本人拍拖咩？」
_
文：影視組