高海寧嘆冇人主動求婚
昨日穿日式紅色婚嫁和服的高海寧（高Ling）與項明生到銅鑼灣行騷，吸引大批現場人士拍照。高Ling說：「之前去日本着過啲簡單和服，花嫁和服就第一次，感覺好隆重。騷前要用個半小時着，已經有三位日本老師幫我，算快咗。」問到將來嫁人會否考慮穿花嫁和服？她說：「都想呀！想第日婚照着唔同國家嘅傳統服裝，我覺得好靚。（幾時嫁？）冇set死日子，咁好大壓力，而且要等男方主動，暫時未有人做。」看來緋聞男友鄧智偉要加油！
高Ling最近忙於拍攝劇集《抱佣情人》，稍後有穿一件頭泳衣出海的戲份：「希望天氣暖啲啦！劇情係講黃德斌出海玩水上活動，我就着一件頭泳衣。（要積極keep fit？）呢排都好難肥，因為晚晚開廠開到好夜，就算食消夜都唔吸收。