李漫芬出嫁喊不停 郭晉安讚新郎精力充沛

42歲李漫芬（Fanny）與圈外男友談成坤昨日結婚，晚上於尖沙咀筵開23席，米雪、劉松仁、郭晉安、岑麗香、陳庭欣、許志安及歐陽震華等到賀，陳煒、Kawaii更為Fanny擔任姊妹，星光熠熠。

肉緊咀嘴 心肝卜卜跳

Fanny與老公以白色禮服亮相，應記者要求肉緊咀嘴，她說：「心情好緊張呀，個心卜卜跳，呢個台上過嚟好多次做司儀，今次做主角心情好唔同。（有冇喊？）今朝喊到豬頭炳咁，尋晚上頭已經喊，因為同Daddy（亡父）講嘢而喊到收唔到聲，搞到媽咪又一齊喊，不過好感動。自己之前環境唔係太好，一個女仔住90呎劏房，但依家有人分擔。覺得老公係Daddy帶畀我嘅，之前係Daddy負責換燈膽，佢過身之後就老公上嚟換，覺得係Daddy帶住佢嚟。」講到造人大計，Fanny稱一切隨緣。

曾與李漫芬合作的郭晉安笑言不會教對方生仔秘訣：「唔使教嘅，呢啲崇尚自然。佢之前喺《致命復活》做過我大嫂，當時已經暗示結婚，好開心播完劇就搞婚禮。之前未見過佢老公，收得好密呀，但見到Fanny成日好sweet，提起另一半就笑晒，但好少話晒恩愛嘅。（知佢老公係游泳教練？）教練？正呀，身形一定好弗，一定『有咁遠游咁遠啦（指精子）』！」

Fanny一直視米雪為家人，很感激對方多年來一直給予工作機會，故她在婚宴上特別邀請米雪與劉松仁上台致詞，更特別為米雪準備驚喜，即場送上由設計師朋友打造的珍珠頸鏈給對方，更請劉松仁為她戴上，米雪笑言：「好甜呀，松哥幫我戴！」

李漫芬於婚禮上喊唔停，更送頸鏈給恩人米雪。	郭晉安笑言不會傳授造人心得給李漫芬。	香香一身紅噹噹打扮出席婚宴。

陳煒自動請纓做姊妹

另外，上午接新娘儀式場面亦相當溫馨，擔任姊妹的陳煒說：「新娘落咗柯打話要錫住新郎，唔好整花塊面。（開門利是大唔大封？）好大疊呀，撥得好涼。（咩色？一千蚊？）好多顏色。（佢請你做姊妹？）係我自動請纓話做佢姊妹，因為我睇住佢同依家老公相識，好sweet，我哋九十年代嗰時啲人都唔興結婚生仔，所以我從未做過姊妹，今次咪當見識吓。」

陳煒第一次做姊妹。	許志安很開心李漫芬覓得好老公。	李漫芬

文：影視組