張曦雯襯得出色：人哋唔知係平嘢
藝人張曦雯（Kelly）熱愛於社交網與粉絲分享穿衣心得，她笑言平時會睇雜誌研究襯衫技巧：「我由美國嚟香港冇錢買貴嘢，平時睇好多外國時裝雜誌，我好鍾意fashoin，係人都鍾意着得靚。好多網上朋友留言問我啲衫幾錢同邊度買，其實我唔係成日買貴衫，買衫唔使貴，High and low咁樣襯衫，人哋唔知係平嘢之餘，出嚟效果仲可以好高貴。」
經常擔任活動司儀的Kelly會於減價季節狂掃唔啱size的晚裝，之後再交予裁縫修改。她說：「我做MC要經常買裙，所以自己會搵定平靚正嘅裙。上網見到減價但唔啱着嘅都會買，之後可以一次過十幾套拎去改。我有好多裁縫朋友，改番fit條裙就好似好貴同度身訂造咁。」
