胡定欣撥行「豪嬅戀」好戥佢哋開心！
藝人胡定欣、歌手雨僑與胡琳昨日出席韓國護膚品牌專門店開幕，忙於拍攝無綫劇《深宮計》的定欣被問到平時是否花很多錢護膚？她笑言好彩有不少品牌贈送護膚品，加上有代言工作，故慳了不少，至於會否接受微調或打美容針？她說：「未試過！我暫時都仲OK，但主張自然，覺得護膚品都好夠。」
雨僑拍子華 咬脷忍笑
談及有傳好友李施嬅借其過橋力追袁偉豪，定欣聞言笑說：「我好想講個真實個案畀大家聽，我好戥佢哋開心！因為佢哋冇劇出都可以做到封面，佢（李施嬅）叫我同大家講佢最愛嘅人係我，唔係袁偉豪。」又指睇到新聞時一頭霧水，李施嬅亦不需借她過橋：「佢哋係Crazy Runner成員，胡說八道會同Crazy Runner係不可分割。（咁咪一家親？）唔會啦！大家太好朋友啦！（唔過電？）唔知喎！我諗識咗咁耐，要發生都發生咗，大家成日一齊做運動同食飯o架！使唔使我幫手撥行佢？」
同場的雨僑表示將會跟黃子華一起拍戲，坦言對方是自己的「男神」，問到會否怕開工時緊張到狂NG？她笑言自己面都紅晒：「我驚到時忍唔到笑，佢講笑係自己唔笑o架嘛！不過我學識咬住條脷忍笑。」
文：名人組