李彩華踢爆男友 唱《對不起我愛你》示愛
天王黎明（Leon）開騷，吸引不少藝人包括李彩華（Rain）與男友何遠恒、岑杏賢、張家瑩、莊思敏、莊思明、陳小春、謝天華等欣賞，當中何遠恒很害羞，擾攘一輪才肯與Rain合照，之後留下女友一人受訪。
問Rain是否叫男友來做人肉暖包？她坦言兩人都是Leon歌迷：「有話題啲嘛，跳起舞都開心啲，啱啱識佢時，佢都唱過Leon首《對不起我愛你》畀我聽。」又指天氣寒冷，所以勁打底：「着咗兩件heattech，又帶咗披肩，但陣間勁歌熱舞可能會熱。」岑杏賢則與女友人同行，她表示怕凍，故貼了很多暖包保暖。
