焗做女強人筱靖為事業寧棄愛情

前亞姐筱靖（Manecy）有生意頭腦，除擁有工作室負責製作及公關工作，又做貿易代理如咖啡及酒，去年更投資七位數開德國餐廳，雖然瓣數多，但不會放棄幕前工作，因為藝人的身份正好做生招牌，實在利多於弊。但因為工作忙無暇拍拖，連媽咪亦投訴！她因不想錯過工作機會而後悔，笑言是焗住做女強人：「有追求嘅人，但我未有定落嚟嘅心，因為唔知自己能力搵到幾多年錢，其實係一步一步嚟，我依家搵到嘅錢比做藝人多，喺有機會嘅時候為愛情停止，唔係我性格，我係好好勝嘅人，座右銘係『唔只做咗，要做好』，落到我手嘅嘢一定要做好。」她又指家人一直是她的經濟支柱，會養她到出嫁為止，故擇偶條件是一定要愛錫其家人，即使將來結婚亦要讓她繼續工作。