甄子丹Keep住把火教導細路
近日「宇宙最強」甄子丹獲汽車品牌邀請率先試新車感受駕駛樂趣，還分享成功秘訣，揚言對演藝事業心中有團火，深知藝人有影響力，要擔起社會責任，最重要發放正能量，尤其是給小朋友正面價值觀。
甄子丹近年進軍荷里活，參與《俠盜一號：星球大戰外傳》（Rogue One: A Star Wars Story）及《3X反恐暴族：重火力回歸》（xXx: The Return of Xander Cage）的演出，去年更獲邀在荷里活中國戲院留下手印，揚威國際。子丹憑着卓越成績獲BMW垂青，邀請他率先體驗全新BMW 5 Series駕馭樂趣。當日他穿上藍色西裝白色褲，戴上太陽眼鏡，無論車內車外都Chok爆，十分有男人味。
鍾意嘗試不同角色
甄子丹接受黃子雄的訪問時，被問到成功秘訣，他說：「無論喺劇本或角色方面，我都希望嘗試唔同嘅題材，我都有一份赤子之心，簡單嚟說就係你仲有冇呢一團火。無論題材角色，我都希望繼續去試唔同題材角色，藝人某種程度是有一定嘅社會責任，電影係一個好強大嘅平台影響社會，我希望帶更多娛樂畀觀眾，同時帶正能量畀呢個社會，尤其係小朋友。」
文：名人組