麥明詩被苗僑偉電暈投懷送抱

「十優港姐」麥明詩（Louisa）、苗僑偉、袁偉豪、黃翠如及周柏豪等，日前在中環拍攝無綫劇集《使徒行者2》。當中拍劇經驗尚淺的Louisa搞笑表示與型爆的苗僑偉對戲，不時被電暈，她先感謝前輩苗僑偉帶自己入戲：「有三哥（苗僑偉）帶我做戲，佢非常細心。（畀佢電暈你？）呢個一定！我稍後仲有一幕會倒於佢懷抱，大家到時睇！」

送花冧戚美珍

問到Louisa為拍劇做了甚麼準備？她笑言在劇中主力演拍拖戲，故努力煲劇培養心情。提到前男友林作日前揚言要入行闖娛圈，問Louisa會否介意與對方合作？她大方表示當合作為挑戰：「大家專業嘅。（會尷尬？）到時先算，演員會適應，當挑戰磨練。（同林作合作係挑戰？）見到佢再做戲就係挑戰。」

苗僑偉Chok爆雙手插袋。

陳國峰（左起）、黃翠如、苗僑偉和麥明詩合作拍劇，配搭新鮮。

同場的苗僑偉以型格長皮褸Chok爆現身，引來女粉絲主動上前邀合照。他預告稍後會親身上陣拍攝連場槍戰，又會與宣萱談情：「飛車同動作戲喺泰國拍，槍戰就留番香港拍。（親身上陣？）做得到就會做！」談到日前情人節的安排，苗僑偉表示一早準備好鮮花送給太太戚美珍，一收工就趕着跟太太食飯，認真恩愛！

袁偉豪享受單身

至於一直keep住操肌的袁偉豪提到新劇不乏毆鬥及飛車場面，他希望能親身參與：「視乎危險程度，都想自己做。」早前與岑杏賢分手的他面對單身情人節，指拍拖順其自然，目前享受單身時光。

文：影視組