軒仔摸王菀之手仔當人夫透明

歌手張敬軒與王菀之（Ivana）一連四場演唱會《The Magical Teeter Totter演唱會2017》昨晚於紅館開鑼。

演唱會於8時35分開騷，獲黃偉文、Eric So、蔡一智夫婦與蔡一傑等撐場。軒仔與Ivana今次挑戰紅館四面台，軒仔甫開場由台下升上來，穿上白金色閃爆西裝襯紅髮出場。至於Ivana以一襲黑色奇特宮廷服配銀色巨型頭飾現身，與軒仔對唱《開籠雀》後，她就將宮廷服脫掉，只剩下長Boot兼短裙。跳唱《相對論》時，軒仔差點掃跌Ivana的頭飾，場面有點論盡。

腰患上陣：用晒脫苦海！

其後，兩人唱出串燒歌包括《相逢何必曾相識》、《叉燒包》與《牛油蛋撻》等，軒仔深情地摸着Ivana手仔、面珠兼攬腰，Ivana則作狀打軒仔，簡直旁若無人地在Ivana老公面前打情罵俏，最後一班Dancers將Ivana抱起，軒仔則躺在地上互指，扮演16世紀名畫《創造亞當》的Pose。

Ivana被抱起，與躺在地上的軒仔互指，重現世紀名畫一幕。	軒仔踎低攬實Ivana！嘩！人夫Eric So喺台下o架！	軒仔摸Ivana手仔，攞正牌打情罵俏。

兩人在台上感激入場觀眾，軒仔笑言大家雖不清楚演唱會的主題，但仍支持他們夠晒勇敢。提到Ivana的腰患，她說：「跳完個Opening就用晒一年嘅脫苦海存貨！」當軒仔問到Ivana的奇特服裝，他笑說：「你個頭飾係咪雷達嚟？係咪要監視老公？」軒仔又搞笑指與Ivana開騷就好似初三赤口，隨即「命令」她落台，Ivana則陰聲細氣地說：「咁我喺下面等你啦！」令全場爆笑。

Ivana穿斜膊裙晒香肩。	Eric So	蔡一智夫婦與蔡一傑捧場。

另外，場外有不少紀念品發售，如180元的購物袋及280元的T-shirt，套裝售價則要1,200元，內裏包括T-shirt、購物袋各兩款、貼紙共四款及由Ivana老公Eric So設計的小模型，但模型要到4月底才出售。

文：音樂組

攝：鄭家俊