方力申Dry佬食風

藝人方力申(Alex)昨日出席紅十字會活動,問到有否捐血?Alex笑指血液不乾淨不敢捐:「因為成日病要食藥。(財多身子弱?)我都想。」問情人節如何度過?Alex說:「唉,仲好提?自己一個人揸電單車食西北風。(後面車住個女仔?)唔敢,手車唔好唔穩陣。」並表示最想避開情人節,他解釋:「好想避開,好痛苦,好耐未試過單獨過情人節,對上一次已經十年前,夜晚都係留喺屋企食飯。」

問到為何不約緋聞女友何超蓮?Alex說:「唔好講人哋。(超蓮情人節落銅鑼灣派餅有冇派畀你?)唔好講人哋。」隨即轉話題表示今年會做老闆及做製作人:「搵人投資畀我拍啲節目。(搵前度鄧麗欣亮相?)咩人都有機會。」