陳凱琳引嘉穎破戒
藝人陳凱琳、何傲兒、朱晨麗、陳靜及陳嘉桓等昨晚出席「皮草之夜2017」，眾人性感登場，現場波濤「胸」湧！何傲兒以超低胸裝谷出深長事業線，她笑言久未在港露面，所以要悉心打扮，並表示忙於在內地及澳門工作，記者笑指她豬籠入水，她說：「OK啦，可以再多啲，不過幫許冠傑做嘢，冇錢都做，唔會計較。」
相對下較密實的陳凱琳出冧招突圍，最近忙於拍劇的她透露情人節前一日剛好有兩小時空檔，便親自為男友鄭嘉穎做蛋糕炮製驚喜：「本來佢因為舞台劇要減肥，都破戒食蛋糕，食咗一啖後仲話希望生日可以再食到呢個蛋糕！（咁佢送咩畀你？）請我食晚餐，我哋都較注重心意，唔會花錢買禮物。」
