黃芷晴考驗男友 請全家去旅行
藝人黃芷晴及陳敏之昨日出席香港護眼開幕活動，芷晴更挑選情侶眼鏡送給男友！她即將首次與家人及男友去旅行，男友較緊張，希望她幫忙計劃行程：「考驗吓佢啦。（男友出錢？）希望佢出。（你地同房？）未知，仲計劃緊，或者佢同爸爸同房，增進下感情！」
陳敏之產後首次出席商演，每日湊仔令她瘦得很快，已完全收身：「日日通頂，辛苦過拍劇。（升Cup？）有，因為餵人奶。老公唔習慣，因為我咁多年都冇身材。」她又指自己變態，鍾意索BB味：「聞佢個頭同pat pat！出街會帶埋佢啲衫去聞。」月中要拍新劇的她，會帶埋囝囝紗巾開工，一索解千愁。談到劇集《親親我好媽》受歡迎，她指自己看後很感觸，亦擔心會變怪獸家長。談到劇中師生戀情節，她說：「我細個試過鍾意體育老師，都幾寫實。」
