薛家燕貴妃出肉 黎小田明（目及）

藝人薛家燕、黎小田、曹永廉及湯寶如前晚為無綫新節目《流行經典50強》擔任主持進行錄影，並邀得張德蘭、李司棋、吳業坤擔任嘉賓。薛家燕以一身黃色低胸晚裝現身，谷行3吋事業線相當搶鏡，惹得全場喝采。小田被問及可有見過老拍檔如此性感，他竟老實不客氣「明（目及）」薛家燕後答：「唔話你知！但有幾特別啫？」薛家燕即打圓場說：「佢一定未見過啦，呢啲係後期發育，但我冇去過韓國喎。（今晚點解唔登基？）想扮吓楊貴妃『出肉』先。」
薛家燕指自己嘅三吋事業線係後期發育，冇去過韓國整喎。
薛家燕指自己嘅三吋事業線係後期發育，冇去過韓國整喎。

曹永廉主持緊張

入行二十多年的曹永廉首次擔任節目主持，全程顯得相當緊張，他說：「做八集仲要唱埋歌，我有十幾年冇喺螢光幕前唱過嘞。（唱自己嘅歌？）我嗰啲邊係金曲呀？（之前你上載唱歌片段獲讚喎。）嗰晚飲醉啫，唔知被偷拍。（再出返嚟唱？）唔會嘞，留番畀啲後生仔女啦。」湯寶如則坦承碌盡人情卡，邀請好姐妹黎瑞恩及王馨平等出任嘉賓，但暫時未有定案。

文：影視組

前晚無綫新節目錄影，嘉賓眾多。
  • 前晚無綫新節目錄影，嘉賓眾多。
小田老實不客氣咁（目及）完薛家燕後竟說：「有幾特別啫？」
  • 小田老實不客氣咁（目及）完薛家燕後竟說：「有幾特別啫？」
湯寶如碌盡人情卡，邀請黎瑞恩及王馨平出任嘉賓。
  • 湯寶如碌盡人情卡，邀請黎瑞恩及王馨平出任嘉賓。