柳妍熙誤踩坑渠 拗柴變豬腳
歌手柳妍熙前晚到清遠為蘇永康演唱會擔任特別嘉賓後，經廣州回港，豈料於廣州扭傷右腳腳踝，她講述受傷經過：「因為行得太急，唔小心踩中坑渠蓋，好彩有同事拉住我，否則頭落地先。（平時都係咁論盡？）唔係，因為太累，做完嘢冇得休息，又心急趕返屋企，結果扭親。」現時她的腳踝更腫如「豬蹄」！
昨早她已到法國醫院睇醫生，她說：「專科醫生放緊假，所以只係睇普通科，聽日要再睇專科，醫生仲話有機會骨折，可能要休息半年，好驚影響工作，有朋友介紹咗西貢一個跌打師傅，試過兩劑藥就好，我都會睇埋。依家要喺屋企敷冰，去洗手間都要媽咪扶。」
