吳業坤呃Like惹火 驚青刪留言

日前港鐵發生縱火慘劇，歌手吳業坤在個人Facebook上留言：「火燭當然是要拍片放上網緊要過逃生啦！」但未幾他便刪除該惹火言論。前晚吳業坤為東華三院的周年晚宴擔任表演嘉賓，同場還有「玩具大王」蔡志明女兒蔡加怡與夫婿陳漢驄、王賢誌與老公周思聰、賭王三房兒子何猷啟與女友Angelika、應屆港姐及無綫高層鄭善強等，場面熱鬧。

自認曲線怕惹誤會

對於FB言論，吳業坤解釋：「我係曲線啫！我睇新聞有個洋人為拍片而吸入過量濃煙需要救援，有緊急事故應該依照逃生指示離開，唔好阻住救援，我覺得我寫得太曲線，怕人誤會，所以最後刪除咗，寫番啲正常嘢。（你係想玩諷刺？）都係唔好，近期好易中招。（你依家有冇中招？）咁又冇人話我。我祝願傷者早日康復。（怕唔怕畀人話你抽水？）我唔覺得係抽水，大家個價值觀係咪扭曲咗，分享趣事係OK，但危險嘅事唔應該為收視率同呃Like咁做，雖然我成日呃Like，但係無傷大雅，唔會整到人，唔係幸災樂禍。」

蔡加怡與夫婿陳漢驄恩愛赴晚宴。	何猷啟輕攬女友Angelika纖腰。	王賢誌（左）透露情人節會與老公齊齊歎Spa。

經十幾事長一智

問到以後在網上發表意見時會否更小心？吳業坤坦言會想清想楚才寫，因為大家都很敏感，會抽秤一兩個字眼，又笑言自己經十幾事終於長一智：「朋友間討論OK，但如果面對公眾，有太多人有唔同睇法，我會收番少少。」

此外，同場的王賢誌表示情人節有個傳統，會跟老公齊齊歎Spa。何猷啟則會自製情人節禮物氹女友。

文：名人組