祖兒驚見舊照笑到喊 自嘲女妖
林奕匡（Phil）個唱尾場前晚於麥花臣場館舉行，繼首場請來天后楊千嬅擔任嘉賓，尾場又邀得另一天后容祖兒撐場。Phil於台上自爆是祖兒鐵粉，還公開當年參加簽唱會的舊照，令祖兒忍不住笑到流淚！
林奕匡一連三場演場會，於前晚舉行尾場，獲黃美棋、鄧佩儀、張頴康夫婦、黃偉文及陳詠謙等捧場，其未婚妻李靄璣及父母更看足3場，未能到場的哥哥就拍片給Phil送驚喜。
曾任網上論壇版主
到中段，容祖兒登場獻唱《啜泣》，Phil則以色士風伴奏，令全場尖叫聲不斷。他自爆中學時開始聽祖兒的歌，更是對方網上論壇的版主，祖兒大叫：「吓！係咩？我上網見到一個叫Phil嘅男仔，冇諗過係同一個人。」祖兒指Phil又真摯又傻，還向他邀歌。之後螢幕出現他早年參加祖兒簽唱會的照片，令祖兒笑到流淚問：「係咪蜥蜴仔？後面個女妖又係邊個？」她大表感動，又笑說對方樣子得意。
偶像同台 不可思議
騷後受訪時，Phil表示希望下次登陸紅館。說到千嬅及祖兒為他撐場，他坦言不可思議：「兩個都對我好重要，千嬅畀我好大鼓勵，啟發我好多。我同佢都有種傻勁，佢心口有個勇字，不過佢智慧比我高。祖兒真係唔敢諗嘅事，冇諗過同偶像同台演出。」問到未婚妻給他多少分？他透露首場是93分，第二場是95分，尾場就未知，但他自評80分。至於在台上示愛，他說：「我要問番佢，3場都唱同一隻歌畀佢聽，係咪3次都一樣咁感動呢？」他透露騷後會計劃結婚，但不打算當眾求婚，因為女方說過在台上求婚有些俗氣。至於未婚妻在台下送飛吻，Phil指對方有膽量，但有時都會怕醜。
文：音樂組