傳方媛有咗 城城:我會珍惜愛護佢

天王郭富城昨日出席「浪琴表香港馬術大師賽」2017,他開心表示已連續五年為賽事擔任頒獎嘉賓,而城城頒獎時險被馬匹前蹄踏腳,幸他縮得切。談到女友方媛日前在社交網甫了疑似肚凸的相片,還自言出現「小變化」而惹來大肚疑雲,城城微笑說:「佢喺微博有解釋,大家關心我而敏感咗。(係咪懷孕?)佢講咗係腸胃唔舒服,瘦咗幾公斤。」城城指去年踏入50歲時奪金像獎是天時地利人和,一直於工作奮鬥的他說:「媽媽年紀大,自己開始諗吓人生計劃係乜嘢,所以我會珍惜依家嘅女友,好好愛護、了解、包容對方。(唔係懷孕有冇失望?)唔好講BB。(媽咪失望?)媽媽好少睇新聞,只係會叫我返屋企食飯飲湯,冇催我。」同場的著名形象指導郭慶彬前日應品牌之邀到場觀看馬術,大讚厲害,令他有衝動學習策騎。另外,熊黛林昨晚在微博發文表示「嗯…那個…這個…還是不說了。」還上載掩嘴偷笑的圖案。