鄭融挑戰三項鐵人

歌手鄭融、樂隊Dear Jane成員Tim及Jackal昨日出戰10K賽事,Tim以50分鐘完成,而鄭融跟Jackal則齊以1小時08分衝線,鄭融說:「今日跑得好順,順嘅情況係跑到最尾嗰段仲可以加速去跑,我都好滿意自己做出嘅成績。」

鄭融透露有意明年底報名參加三項鐵人賽:「我有個朋友參加咗三項鐵人賽,因為鐵人賽最尾要跑10K,我見今日自己跑嘅成績都幾好,所以都考慮下年尾可能報跑三項鐵人賽。」阿Tim對自己的成績感意外,比預期快了幾分鐘,Jackal則笑說:「Tim跑得好快,根本追唔到,要終點見!」