蔡思貝負傷慶生多仔埋身
蔡思貝前晚於工作中度過生日，更獲一眾同事王浩信、朱千雪及單立文等為她慶祝，不過在此好日子思貝卻以「包頭」受傷Look示人，她坦言不介意，更笑指有很多男仔為她慶生。
蔡思貝、王浩信、朱千雪、單立文及張振朗前晚拍攝劇集《踩過界》的一場講數戲份，適逢前晚是思貝的生日，千雪送上生日蛋糕祝賀壽星女，而單立文亦好識做，萬歲請食消夜，大家Happy。思貝前晚以頭包繃帶、腳打石膏的受傷Look造型示人，許完願的她說：「唔講得許咗乜嘢願，都係同工作有關。（感情方面呢？）冇呀，因為對我嚟講，呢一刻工作最緊要。（生日要如此打扮介唔介意？）冇嘢嘅，拍戲始終係拍戲，都係好開心嘅事，刺激啲嘛！」
問到有否男士為她慶生時，她即謂：「好多呀，留意我Instagram，因為有個fans喺半年前開始，搵咗好多人祝我生日快樂，整咗條片，呢條片睇到我流眼淚，好開心，有咁好嘅fans。（追求者呢？）追求者就冇嘅。」問千雪有否介紹男仔給思貝，千雪表示：「唔使啦！佢需要咩？」
單立文拿手氹女
而「萬歲」的單立文則謂：「見佢哋開心都值得嘅！女仔好易氹啫，一個蠔餅都氹到佢咁開心！（老婆唔呷醋？）到佢講嘢嘅咩？」而浩信表示拍完這套劇就要開另一套：「要抽時間睇劇本。（囡囡仲有冇唔畀你返工？）呢兩日陪佢好多，之前冇時間陪佢，令佢疏遠我，我好心痛。」
文：影視組