陳嘉寶見家長研究裙褂好事近

女神陳嘉寶（Anjaylia）身為基督徒，堅守教條和富貴男友Epaphras拍拖多年仍保持處女之身，雖然兩人感情穩定，但最近卻傳出女神有新歡，與才子林皓霆大搞曖昧，令Epaphras不得不啟動「守豬」行動！早前女友返廣州向祖母拜年，他亦死黐兼見埋女友家長，前晚Epaphras又出招，今次帶女友見家長兼睇埋裙褂，Anjaylia今次應該走唔甩。

孖住睇新傢俬

為了加速將女友私有化，前晚八時Epaphras帶同Anjaylia現身中環餐廳晚膳，兩小口子趁未夠鐘入席，先到附近商店睇家品，手指指討論新款傢俬。其後到餐廳等候男友父母，席間男友對Anjaylia呵護備至，不時搭着女友膊頭傾不停，又頭貼頭睇手機，同枱數人一度齊齊研究Anjaylia手機中的疑似中式裙褂及晚裝款式，見家長又睇裙褂，似乎好事近！

Anjaylia坐Epaphras座駕雙雙離開。	林皓霆	Anjaylia一度展示手機中疑似裙褂的照片，供大家齊齊研究。

尷尬回應傾婚事

及至十一時許，Anjaylia與男友離開，問到是否見家長傾婚事，她一臉尷尬：「啊……」其後才說：「唔係，同男友屋企人食飯啫。」之後二人往取車離開。另外，同場亦見高皓正夫婦撇低子女，拍拖往附近歎日本菜，兩公婆全程有傾有講，狀甚恩愛。

高皓正夫婦十指緊扣，恩愛出巡。

Anjaylia同男友家人食飯，有傾有講。

文、攝：追蹤組