周星馳執導電影《美人魚》共獲八項提名包括最佳電影、導演、女配角等多個大獎，但論最特別當然是他首度作曲填詞的電影主題曲《無敵》入圍「最佳原創電影歌曲」，他昨日接受電話訪問時亦笑指撞彩，對入圍感驚喜：「我亂嚟(0架)咋！係當日拍拍吓突然有靈感，本身都鍾意聽歌，都係啲老歌。」
周星馳2001年憑電影《少林足球》奪金像獎最佳導演殊榮，問他可有信心再奪此獎？他說：「冇諗，反而希望入圍最佳女配角嘅張雨綺同最佳新演員嘅林允可以攞，因為佢哋都做得好好。」新人林允拍《美》片先後獲得不少提名，周星馳居功不少，他亦指愛向高難度挑戰：「林允係有天分，不過作為一個導演去拍一個全冇演戲經驗嘅新人，亦真係唔係咁容易，不過，我反而幾鍾意！」