楊怡遇狂迷衝上台 驚動警方

舞台劇尾場有狂迷衝上台，眾演員只好報警處理。

楊怡、黎燕珊、梁琤及朱慧敏昨日下午約6時40分抵達機場，問到尾場謝幕時是否有狂迷衝上台？黎燕珊證實確有其事，她說：「事緣有狂迷突然拎住紮花衝上台，工作人員好機警咁衝上台撳住佢，之後佢可能深深不忿，散晒場後突然間走咗上超等區，好危險，捉住咗佢同埋報警！」楊怡補充：「不過我諗佢冇乜攻擊性嘅，佢可能係想睇我哋，都係個後生女仔，所以唔擔心。」朱慧敏亦說：「工作人員都想保護個女仔，觀眾席好黑，如果佢衝咗上去有咩意外都唔好。」眾人最終報警處理。

演到甩裙 手臂夾實！

眾人齊聲表示演出成功，聽聞600多元的門票被炒至2,000多元，最貴近1,100元的門票亦被炒至3,000多元，朱慧敏說：「尾場好感動，大家攬住喊，呢段時間日日都對住，演出完都會聚埋去消夜，感情好好。」提到蝦碌場面，黎燕珊笑指阿怡險些甩裙，梁琤即大讚阿怡厲害，在約15分鐘的演出中邊做戲邊用手臂夾裙！楊怡笑言臨場反應有改善：「呢個舞台劇我有好多嘢未試過，未試過同一個男人（指對手呂頌賢）講超過咗兩個月嘅『我愛你』，每日都講，又未試過由綵排到最後嗰場每日都喊，喊到乾塘！」

楊怡重提演出時險些甩裙，要用手臂夾實以免出醜。	梁琤完成演出後，昨日返港稍作休息。	朱慧敏非常滿意是次演出，對一眾拍檔感不捨。

此外，黎燕珊透露休息過後會原班人馬準備巡演，目前正在籌備中，會於今年內舉行演出。

文：外娛組