陳敏之囝囝勝在夠長
最近榮升人母的陳敏之，坐月後首次露面出席新劇宣傳，向來纖瘦的她產後明顯圓潤激凸，她指兒子身形長，是個「長仔」！
無綫劇集《親親我好媽》演員黃智賢、江美儀、陳敏之、米雪、何廣沛及陳婉婷等昨日到馬鞍山宣傳，敏之產後剛坐完月，身形略顯圓潤，身材激凸！
生完冇記性
她表示日前在家為兒子慶祝滿月：「湊B好辛苦，好多學問，個仔肥咗好多，下巴有個蝦餃仔，依家十幾磅，個身好長，係『長仔』！（遲啲拍《深宮計》唔捨得個仔？）今日出嚟一陣都已經掛住，開劇要屋企人幫手照顧。（依家餵人奶？）係呀！辛苦但係好值得，媽媽真係好偉大，好眼瞓都照樣泵奶。」敏之又自嘲生仔後變得沒有記性，不時帶漏物品出街，但相信投入拍劇後會改善，問到產後可要收身？她說：「都唔係肥咗好多，湊BB係最快嘅收身方法。」
新劇內容貼地
講到新劇在新年間播出，問到主角黃智賢與江美儀可擔心收視有影響？他們都表示不擔心，黃智賢說：「劇集初十播，大家應該放完假，劇集內容牽涉家庭同教育，好貼地，相信現今父母睇到會有共鳴。」而江美儀被問到可擔心話題惹爭議？她認為討論是好事，有共鳴才有話題，最怕冇人講。
文：影視組