監製落閘湯盈盈唔生得

無綫藝員湯盈盈、呂慧儀、單立文、羅樂林、劉丹、馬貫東及蘇韻姿等昨日在將軍澳電視城為全新處境劇《開心速遞》拜神，單立文與湯盈盈於劇中有段曖昧關係，單立文笑說：「關係最尾係點都未寫到，保持神秘好啲。」講到湯盈盈早前笑言要引誘老公錢嘉樂再生多個，她笑說：「唔係呀！監製話唔生得。」單立文笑說：「劇情話你唔知點解有咗咪得囉，一家便宜兩家着。」
湯盈盈同單立文於劇中關係曖昧。
湯盈盈同單立文於劇中關係曖昧。

單立文近來接連有劇集《財神駕到》及《乘勝狙擊》播出，令他變「阿婆殺手」，他笑說：「去街市有個阿婆追住送個橙畀我。」

呂慧儀（左）與蘇韻姿有份拍處境劇。
  • 呂慧儀（左）與蘇韻姿有份拍處境劇。