鄭中基「押後」開騷
鄭中基（Ronald）一連4場世界巡迴演唱會即將開鑼，忙於加緊排練演唱會的他，仍不忘拍片溫馨提示大家注意開騷時間，因為頭場年三十晚（27日）跟初二（29日）兩場，方便大家食完團年飯及看煙花，故延遲至晚上九點半開騷：「其他兩場正常八點十五分開，記住準時唔好遲到，唔係就錯過咗好多嘢，但早到又會食西北風。」
演唱會節目編排除保留澳門個唱部分環節，每場會有兩個嘉賓，還有大合唱及點唱環節，他說：「你哋溫咗我啲歌未？現場有大合唱同點唱，買咗飛嘅朋友記得入場，有飛去唔到可以賣番張飛，到時見。」演唱會內跟父親鄭東漢Jam歌的Ronald，日前父子檔到band房綵排，Ronald一對寶貝仔女亦有到場，三代同堂寓工作於娛樂。