藝人蕊蕊和前女騎師江碧蕙（Sherie）昨日出席活動，蕊蕊表示跟Sherie學策騎已有數月，曾經險出意外：「之前喺內地策騎，因為內地有唔少馬都係放養，性格比較活躍，有一次成個人被彈起，腳踏又甩咗，好在學過，反應得切先冇事。」
Sherie的法籍男友Jerome亦有現身，更於台上大方合照。Sherie指與男友在一個派對上認識，大家都好鍾意打高爾夫球。Sherie表示策騎事前要作好準備，她說：「要留心馬匹的細微反應。」問到曾否受傷，她說：「好在未試過斷骨，最嚴重係試過跌落嚟搞到視網膜移位，不過都還好。」
