年度漢字金の風俗點滴

不可不知 料金種類多

去日本風俗店玩，一定要識得「料金」，意思即係費用。據日本風俗網研究指，喺2016年嘅平均收費，相對2015年並無太大變化，好似泡泡浴60分鐘收費為21,000日圓（約1,419港元），而Fashion Health，即係飛機服務，為60分鐘16,000日圓（約1,081港元），至於喺日本極具人氣嘅出張服務，60分鐘平均價為20,000日圓（約1,352港元）。其他雜費如指名費、入浴費、延長費等更係多年未有加價，有人分析咁係同日本經濟不景有關。

日本風俗店收費名目真係幾多，單係指名費已經分為「寫真指名」、「雜誌指名」以及「本指名」，前兩者係指玩家拎本風俗業雜誌或小冊子入店後，指明要書中風俗孃服侍，一般嚟講呢種搵女方法係免費。至於後者，即係玩家入到場後，睇店內嘅風俗孃名冊揀女，收費為1,000至2,000日圓（約67至135港元）。而入浴費係泡泡浴場獨有嘅沖涼費，延長費則係加鐘費，如果玩家玩完60分鐘後覺得未夠喉想加鐘，就要加錢喇！

玩一鑊金 富豪級風俗店

雖然過去一年，日本嘅風俗業收費並無顯著提高，但唔代表冇貴場可揀，當中分有高級同超高級兩種，以120分鐘嘅服務嚟計，收費高於5萬日圓（約3,380港元）為高級風俗店，收費高於10萬日圓（約6,700港元）則為超高級風俗店。

講到全日本收費最貴嘅風俗店，就要數呢間位於東京新宿，被喻為「完全富裕層專門超高級出張風俗店」嘅「VIP LADY」。話明係超高級，佢嘅收費確實不愧係完全富裕階層先至可以承擔到，最低消費時數為120分鐘，收費按風俗孃嘅級數而分為3個級別，分別係「Standard Class Lady」、「Members Class Lady」同「Million Class Lady」，價錢順序為30萬日圓（約20,249港元）、50萬日圓（約33,749港元）同100萬日圓（約67,499港元），當中仲未計各類「料金」，可想而知非普通人玩得起。

講金唔講心 AV女優幾多銀

大家都知有唔少AV女優都會喺風俗店搵銀，雖然佢哋嘅肉金好多時同知名度掛鈎，但係收費並唔係大家諗咁貴，好似一啲過氣嘅AV女優，120分鐘服務為36,000日圓（約2,433港元），雖然價錢比一般風俗孃貴啲，但話晒佢哋曾幾何時係男士嘅性幻想對象，貴啲都覺得值嘅。

曾經叱咤一時嘅AV女優小澤瑪莉亞，喺2009年有傳佢嘅肉金價為120分鐘135,000日圓（約9,126港元），而涉谷系女優泉麻那喺2013年亦有傳肉金價為150,000日圓（約10,140港元）。不過講到最「金」AV女優，則要數前AKB48成員橘梨紗，佢喺2014年引退後，就消失得無影無蹤，去年傳出佢化名井上麻里，入籍東京赤坂一間叫「L」風俗店，120分鐘收費更高達700,000日圓（約47,324港元），認真乸脷！

聞金色變 金玉蹴、黃金

日本嘅風俗服務有好多，當中有啲重口味嘅玩法未必大家願意玩，好似「金玉蹴」同「黃金」就係其中之一。「金玉蹴」日文叫「金蹴り」，金玉即係男士兩粒蛋蛋，而蹴即係踢咁解，換言之，即係玩家被囡囡踢蛋蛋！即使有金剛罩護體，男士都未必頂得順風俗孃狠狠踢一腳囉！

至於「黃金」並唔係999千足純金，而係指便便，玩法係玩家要瞓喺度，體驗被便便蓋面嘅感覺。上述兩項服務只有愉虐系風俗店有得玩，必須要預約，單項收費一般從12,000日圓（約811港元）起，M男有興趣嘅話，可以體驗一下呢種貼錢買難受嘅另類服務。

撰文：魂