「雀后」林夏薇豪氣包底
林夏薇、陳山聰、莊思敏等前晚出席無綫劇集《乘勝狙擊》的首播飯局，男主角陳展鵬因為拍劇引致頸患而缺席。飯局於夏薇的食店舉行，劇中飾演「雀后」的她如上身般，豪氣包底請客。而展鵬事後接受記者訪問時，表示可能最近太疲倦，因而頸梗膊痛，拍攝劇集《天命》時更拉親頸部，現時手、頸、背都痛到郁不到，頭也垂不低，要看醫生診治。有份拍攝《天命》的山聰則指，於現場見展鵬似「梗頸四」！
陳山聰：睇住我小弟
至於被網友透過微博私訊問價的莊思敏坦言感無奈：「其實行內好多女仔都收到，大部分人會ignore，我就係少數人囉，爭在未介紹番個人畀佢。」於劇中與山聰及黃子雄都有親熱戲的她表示，最勁是只穿胸圍及底褲上陣，挑戰電視尺度：「有個畫面仲係山聰個頭喺我個胸上面，監製話會保留呢part。」山聰笑說：「其實我好緊張，作為男士係第一次拍到咁激，拍時有同莊思敏講叫佢睇住我小弟。」
文：影視組