甄子丹片場發火嗌Shut Up

甄子丹指港產片制度有改善空間，有些地方亦比以前懶散咗。

子丹又大讚荷里活製作在準備動作場面時十分仔細，而港產片制度上尚有改善空間：「近年我覺得（拍戲）某啲位我哋係懶散咗嘅，好似我近排拍王晶新片，拍緊都仲聽到工作人員講嘢，反觀荷里活電影就好尊重演員演戲嘅情緒，一講roll機就真係全世界靜晒。當時唔係拍緊我嘅戲，不過我都忍唔住發火，叫全世界收聲，畀個演員集中投入。」

指華演員被歧視

另外，甄子丹日前現身TVB娛樂新聞台節目《StarTalk》，講到在荷里活發展，子丹說：「我自細o係美國大，睇到呢廿幾年華人演員喺國際o既地位唔係太平等，佢o地好多時都被歧視，不受尊重，成日醜化華人演員，呢部戲o既角色就冇呢個情況。」

甄子丹與新片台前幕後合作愉快。

片中甄子丹動作連場，不負「宇宙最強」之名。