王宗堯被分手：我都唔係好清楚
拍拖七個月的王宗堯與蔡潔被指感情現暗湧，蔡潔受訪時直認已分手！不過，男主角王宗堯事後才知悉女友已宣布分手，他表示不清楚現時的感情狀況，希望能與對方見面溝通。
男星王宗堯近年作品不斷，因受觀眾歡迎而獲封「男神」，事業相當得意！不過貴為男神的他感情路似乎多阻滯，雖然先後與模特兒黎紀君和演員蔡潔拍拖，可惜聚少離多未能開花結果，兩段感情均短短數月便告吹。
「有啲嘢消失咗」
王宗堯前年與模特兒黎紀君拍拖，經常高調晒愛，不過短短八個月便以價值觀不同為由分手，甩拖的他當時顯得心事重重。不過，不到一個月時間，王宗堯便與女星蔡潔火速撻着，相當甜蜜。雖然王宗堯不時將女友掛在嘴邊，但二人各有各忙，已有一段時間未見「合體」，日前王宗堯在社交網留言：「有啲嘢消失咗咩玩法」，被指二人感情已告一段落。
蔡潔被問到感情狀況時，她直認因聚少離多而分開：「因為工作關係，大家聚少離多，現時以工作為重……其他私人事不會多講了。」及後王宗堯受訪被問到分手一事，卻顯得一頭霧水，顯然不知道自己已經「被分手」！
希望出嚟講清楚
問到二人現階段的關係？他坦言：「我都唔係好清楚，我希望可以兩個人好好講清楚，如果係誤會，起碼仲可以解決，可能你哋可以幫我問清楚。（有冇三個月冇聯絡？）咁又冇咁耐，呢段時間啫。」提到在社交網站寫下「有啲嘢消失咗咩玩法」，被指感情現暗湧，宗堯對此解釋：「有啲嘢消失咗，有啲人消失咗咁囉！」
文：影視組