30秒唔見幾千蔡一鳳LA遇劫

前亞視高層盛品儒（James）與太太蔡一鳳身在美國洛杉磯旅行，蔡一鳳昨日在社交網透露老公被當街搶錢，幸只破財，人無事。是次洛杉磯之旅，出發前蔡一鳳被國泰航空入錯資料導致未能登機，被迫獨留日本機場，已相當掃興，誰知今次輪到老公被搶錢。蔡一鳳憶述時猶有餘悸：「幾得人驚，估唔到洛杉磯治安咁差，今日下午我哋喺Beverly Hills距離20分鐘車程嘅商場買智能家居產品，可能老公袋住成捆現金，畀個黑人一早Mon實，一路跟到出商場，對方假扮有槍，追到我哋去泊車附近，佢知老公啲錢擺喺褲袋，30秒唔使已經伸手搶錢就走。（點假扮有槍？）佢擺隻手入自己衫度，咁樣我哋唔會反抗，如果個賊真係有槍就大件事，佢好高好瘦，高過James好多，其實真係唔知佢真有槍定假有槍，不過事後分析覺得唔係。James當時兩隻手拎住嘢，就咁畀人搶錢。James好唔忿氣，依家仲後悔緊冇時間踢個賊幾腳。」