張頴康冇戴婚戒激到老婆嗌頂…
藝人張頴康與太太麥雅緻前晚拍拖錄影由汪明荃主持的新節目《1+1的幸福》，同場還有商天娥與老公及陸浩明與女友。張頴康與麥雅緻頻頻放閃，見太太戴上婚戒亮相時笑說：「我唔記得戴添！因為開工驚唔見，結婚冇耐已經冇戴。」麥雅緻聞言即笑說：「咁你準備返屋企頂痰罐啦！」
歐遊慶十周年現分歧
被問到與麥雅緻平日會否心有靈犀？張頴康笑說夫婦會有共同敵人：「我憎嘅人佢都憎，我哋好齊心，永遠對外唔對內。」兩人結婚四年，明年將踏入相識十周年，張頴康表示計劃歐遊慶祝：「今年1月4日係相識九周年紀念，老婆帶咗我去睇頒獎禮，希望下年去歐遊！不過之前有分歧，我想帶個女去，老婆就話唔好，依家個女大就好啲。」
主持汪明荃則透露新節目將介紹藝人與另一半的家庭生活，問到會否碌「人情卡」請許志安與另一半上節目？她笑說：「好喎！不過等公司安排。（邀請老公羅家英上節目？）應該唔會，佢拍緊電影，早幾日喺北京，依家就喺台灣，但會返嚟過新年。」
文：影視組