鄧兆尊否認有「四奶」：同阿媽出街都出事
已故慈善伶王新馬師曾長子鄧兆尊，近年幾乎淡出螢光幕，但兆尊的曝光率依然好高，因為他經常在商場、街頭被捕獲，身邊總是有幾位紅顏知己氹氹轉陪住，好似皇帝出巡咁。多年來兆尊都被指有正印女友Carmen，又有被形容為「二奶」的安德尊前助手車厘子，早前更被發現還有位「新女友」Claire。
兆尊這位「齊人」不時拖住三女四圍遊，日前兆尊在銅鑼灣商場行街時，左右相伴除了車厘子及Claire，還有位身材高挑、樣貌標致梳馬尾的新女出現，因而被指有「四奶」，對此兆尊回應說：「我只係覺得好笑，我同雌性物體出街都係我啲女人？我唔明依家嘅教育係咪同阿媽出街都會出事呢？相中女子係我朋友嘅太太，至於所有報道希望尊重吓別人唔好骨妹前骨妹後，Thx。」