周秀娜睇北極光不停打底

性感女神周秀娜（Chrissie）早前與朋友用十日去兩個國家旅行，由於時間太急，度了三轉才落實旅程，她先到挪威，並幸運地見到北極光，令她覺得好amazing，她謂：「我有個朋友話近期係睇北極光嘅最佳時候，好彩幸運之神眷顧住我。」挪威冬天的氣溫零度以下，Chrissie有備而來帶兩大篋同行，她說：「睇北極光嗰日係夜晚，唔知幾時睇到，要長期喺出面，嗰晚我着咗三件打底衫、羊毛冷衫、多件衞衣再加多件防雪防風褸，下身就三條打底褲，出面再着面褲，好論盡。」